இங்கிலாந்து மற்றும் நியூசிலாந்து அணிகளுக்கு இடையிலான இரண்டாவது டெஸ்ட் போட்டி லண்டனில் உள்ள ஓவல் மைதானத்தில் நடைபெற்று வருகிறது.
போட்டியின் நான்காவது நாளில், நியூசிலாந்து அணி இங்கிலாந்துக்கு 463 ஓட்டங்களை வெற்றி இலக்காக நிர்ணயித்தது. இதனைத் தொடர்ந்து இரண்டாவது இன்னிங்சில் துடுப்பெடுத்தாடி வரும் இங்கிலாந்து அணியின் நட்சத்திர வீரர் Joe Root, டெஸ்ட் கிரிக்கெட் வரலாற்றில் புதிய மைல்கல்லை எட்டியுள்ளார்.
நியூசிலாந்துக்கு எதிரான இந்தப் போட்டியில் தனது இன்னிங்சின் இரண்டாவது ஓட்டத்தைப் பெற்றபோது, டெஸ்ட் கிரிக்கெட்டில் 14,000 ஓட்டங்களை கடந்த இரண்டாவது வீரர் என்ற பெருமையை ஜோ ரூட் பெற்றார்.
165 டெஸ்ட் போட்டிகளில் 302 இன்னிங்ஸ்களில் விளையாடியுள்ள அவர், 41 சதங்கள் மற்றும் 66 அரைச் சதங்களுடன் இந்த சாதனையைப் பதிவு செய்துள்ளார்.
டெஸ்ட் கிரிக்கெட்டில் அதிக ஓட்டங்கள் குவித்த வீரர்களின் பட்டியலில், Sachin Tendulkar 15,921 ஓட்டங்களுடன் முதலிடத்தில் உள்ளார். அவரது சாதனையை முறியடிக்க ஜோ ரூட்டுக்கு இன்னும் 1,921 ஓட்டங்கள் தேவைப்படுகின்றன.
அதிக டெஸ்ட் ஓட்டங்கள் பெற்ற வீரர்கள் பட்டியலில் Ricky Ponting (13,378), Jacques Kallis (13,289) மற்றும் Rahul Dravid (13,288) ஆகியோரும் முன்னணி இடங்களில் உள்ளனர்.
ஜோ ரூட்டின் இந்த சாதனை, சமகால டெஸ்ட் கிரிக்கெட்டின் சிறந்த துடுப்பாட்ட வீரர்களில் ஒருவராக அவரது இடத்தை மேலும் உறுதிப்படுத்தியுள்ளது.