ஐக்கிய அரபு அமீரகத்தில் உள்ள அல் மின்ஹாத் விமான தளத்தின் மீது ஈரான் தாக்குதல் நடத்தியுள்ளது.
இத்தாக்குதலை அடுத்து ஏற்பட்ட தீ விபத்தில் ஆஸ்திரேலிய ராணுவத்தின் மருத்துவ மற்றும் தங்கும் வசதிகள் பகுதியளவு சேதமடைந்துள்ளன.
ஆஸ்திரேலிய பிரதமர் அந்தோனி அல்பானிஸ் இந்த தகவலை உறுதிப்படுத்தியுள்ளார்.
எனினும்,அ முகாமிட்டிருந்த நூற்றுக்கும் மேற்பட்ட ஆஸ்திரேலிய படையினருக்கு எவ்வித பாதிப்பும் ஏற்படவில்லை எனவும் அவர் கூறினார்.
இந்தத் தளம் ஆஸ்திரேலியாவின் முக்கியப் பயிற்சி மற்றும் தளவாட மையமாகச் செயல்பட்டு வரும் நிலையில், தற்போதைய போரின் போது இது இரண்டாவது முறையாக இலக்கு வைக்கப்பட்டுள்ளது.
ஆஸ்திரேலியாவின் முக்கியமான கண்காணிப்பு விமானங்கள் சம்பவத்தின் போது அங்கு இருக்கவில்லை எனக் கூறப்படுகின்றது.
இத்தாக்குதல் ஏவுகணை அல்லது ட்ரோன் மூலம் நடத்தப்பட்டதா என்பது குறித்து அதிகாரிகள் தீவிரமாக ஆராய்ந்து வருகின்றனர்.