T 20 உலகக்கிண்ண தொடர்பில் இன்று நடைபெற்ற 13 ஆவது லீக் ஆட்டத்தில் ஆப்கானிஸ்தான் மற்றும் தென் ஆப்பிரிக்கா அணிகள் மோதின.
நாணயச்சுழற்சியில் வெற்றிபெற்ற ஆப்கானிஸ்தான் அணி முதலில் பந்து வீச்சை தேர்வு செய்தது.
இதற்கமைய முதலில் களமிறங்கிய தென் ஆப்பிரிக்கா அணி 20 ஓவர்கள் முடிவில் 6 விக்கெட்டுகளை இழந்து 187 ஓட்டங்களைப் பெற்றது.
அதிகபட்சமாக Quinton de Kock 59 ஓட்டங்களையும், Ryan Rickelton 61 ஓட்டங்களையும் பெற்று ஆட்டமிழந்தனர்.
ஆப்கானிஸ்தான் தரப்பில் Azmatullah Omarzai 3 விக்கெட்டுகளையும் Rashid Khan 2 விக்கெட்டுகளையும் வீழ்த்தினர்.
இதையடுத்து களமிறங்கிய ஆப்கானிஸ்தான் அணி ஒருபுறம் சீரான இடைவெளிகளில் விக்கெட்டுகளை இழந்தாலும் மறுபுறம்அதிரடியாக விளையாடி ஓட்டங்களைக் குவித்தது.
அதிரடியாக விளையாடியRahmanullah Gurbaz 42 பந்துகளில் 84 ஓட்டங்களை பெற்று ஆட்டமிழந்தார்.
ஆப்கானிஸ்தான் அணி 19.4 ஓவர்கள் முடிவில் அனைத்து விக்கெட்டுகளை இழந்து 187 ஓட்டங்களை பெற்றது.
இதனால் போட்டி சமனில் முடிந்தது. இதையடுத்து சூப்பர் ஓவர் நடத்தப்பட்டது.
அதில் முதலில் துடுப்பெடுத்தாடிய ஆப்கானிஸ்தான் அணி விக்கெட் இழப்பின்றி 17 ஓட்டங்களை குவித்தது. இதையடுத்து களமிறங்கிய தென் ஆப்பிரிக்கா 1 விக்கெட் இழப்பிற்கு 17 ஓட்டங்கள் அடித்தது. இதனால் சூப்பர் ஓவரும் டை ஆனது.
இதையடுத்து 2 ஆவது சூப்பர் ஓவர் நடத்தப்பட்டது. 2 ஆவது சூப்பர் ஓவரில் முதலில் துடுப்பெடுத்தாடிய தென் ஆப்பிரிக்கா அணி விக்கெட் இழப்பின்றி 23 ஓட்டங்கள் அடித்தது.
இதையடுத்து 24 ஓட்டங்கள் என்ற இலக்குடன் களமிறங்கிய ஆப்கானிஸ்தான் அணி 18 ரன்கள் மட்டுமே அடித்து தோல்வி அடைந்தது.