இலங்கைத் தமிழரசுக் கட்சியின் பிரமுகர்களுடன், ஐரோப்பிய ஒன்றியத் தூதுக்குழுவினர் கலந்துரையாடியுள்ளனர்.
இலங்கைக்கு பயணம் மேற்கொண்டுள்ள ஐரோப்பிய ஒன்றியத்தின் தூதுக்குழுவினர் பல தரப்பினரையும் சந்தித்து பேச்சு நடத்தி வருகின்றனர்.
இதன் ஓர் அங்கமாகவே தமிழரசுக் கட்சியினருடன் சந்திப்பு நடைபெற்றுள்ளது.
தமிழரசுக் கட்சியின் செயலாளர் எம்.ஏ. சுமந்திரன் மற்றும் நாடாளுமன்ற உறுப்பினர் இரா. சாணக்கியன ஆகியோர் இச்சந்திப்பில் பங்கேற்றனர்.
“ பயங்கரவாத தடைச் சட்டம் நீக்குதல் மற்றும் புது வரைபு, மாகாணசபைத் தேர்தல் உள்ளிட்ட வேறு பல விடயங்களை இதன்போது விபரமாகப் பேசினோம்.” என்று சுமந்திரன் தெரிவித்தார்.
மாகாணசபைத் தேர்தலை நடத்துவதற்குரிய அழுத்தத்தை ஐரோப்பிய ஒன்றியம், இலங்கைக்கு பிரயோகிக்க வேண்டும் என தமிழரசுக் கட்சி தரப்பில் இருந்து கோரப்பட்டுள்ளதென அறியமுடிகின்றது.