மின்சார வாகன வருமான வரி அனுமதிப் பத்திர முறையை (e-Revenue Licence) புதுப்பிக்கும் பணி காரணமாக, 8 மாகாணங்களில் மின்னணு வருமான அனுமதிப் பத்திர சேவை இன்று (25) முதல் மூன்று நாட்களுக்கு தற்காலிகமாக இடைநிறுத்தப்பட்டுள்ளது.
டிஜிட்டல் பொருளாதார அமைச்சு வெளியிட்டுள்ள அறிக்கையின்படி, இன்று முதல் எதிர்வரும் 28ஆம் திகதி வரை இச்சேவை தற்காலிகமாக முடக்கப்பட்டிருக்கும்.
இதன்படி மத்திய, வடமத்திய, வடமேல், தென், கிழக்கு, வடக்கு, சப்ரகமுவ மற்றும் ஊவா ஆகிய 8 மாகாணங்களில் எதிர்வரும் 28ஆம் திகதி வரை இச்சேவை தற்காலிகமாக இடைநிறுத்தப்படும்.
பயனாளர்களுக்கு மேலும் வினைத்திறனான மற்றும் உயர்தர சேவையை வழங்கும் நோக்கிலேயே இத்தொழில்நுட்ப புதுப்பித்தல் மேற்கொள்ளப்படுவதாக அமைச்சு சுட்டிக்காட்டியுள்ளது.
இருப்பினும், எதிர்வரும் 29ஆம் திகதி செவ்வாய்க்கிழமை முதல் இச்சேவைகளை மீண்டும் வழமை போல் பெற்றுக்கொள்ள முடியும் என்றும் டிஜிட்டல் பொருளாதார அமைச்சு மேலும் தெரிவித்துள்ளது.