இலங்கை கிரிக்கெட் சட்டமூலத்திற்கு எதிராக, அரசியலமைப்பின் 121(1) ஆம் பிரிவின் கீழ் உச்ச நீதிமன்றத்தில் தாக்கல் செய்யப்பட்ட மேலும் மூன்று மனுக்களின் பிரதிகளைப் பெற்றுள்ளதாக சபாநாயகர் ஜகத் விக்ரமரத்ன இன்று (21) பாராளுமன்றத்தில் அறிவித்தார்.
கடந்த 2026 ஒக்டோபர் 20ஆம் திகதிய அறிவிப்பில் குறிப்பிடப்பட்டிருந்த 30 மனுக்களுக்கு மேலதிகமாக இந்த மூன்று மனுக்களும் கிடைத்துள்ளதாக அவர் தெரிவித்தார்.
அத்துடன், பயங்கரவாதத்திலிருந்து அரசைப் பாதுகாத்தல் சட்டமூலத்திற்கு எதிராக உச்ச நீதிமன்றத்தில் தாக்கல் செய்யப்பட்ட மேலும் 11 மனுக்களின் பிரதிகளும் கிடைத்துள்ளதாக சபாநாயகர் குறிப்பிட்டார்.
கடந்த ஒக்டோபர் 7, 8 மற்றும் 20ஆம் திகதிகளில் வெளியிடப்பட்ட அறிவிப்புகளில் குறிப்பிடப்பட்டிருந்த 25 மனுக்களுக்கு மேலதிகமாக இந்த மனுக்கள் கிடைத்துள்ளன.
மேலும், குடியேற்றம் சட்டமூலம் தொடர்பாக உச்ச நீதிமன்றத்தில் தாக்கல் செய்யப்பட்ட ஒரு மனுவின் பிரதியும் கிடைத்துள்ளதாக சபாநாயகர் பாராளுமன்றத்தில் அறிவித்தார்.