சஜித் பிரேமதாச இந்த நாட்டு ஜனாதிபதியானால் தோட்ட தொழிலாளர்களை சிறுதோட்ட உரிமையாளர்களாக மாற்றுவார் என ஐக்கிய மக்கள் சக்தியின் பசறை தொகுதி அமைப்பாளர் சஞ்சய் தெரிவித்துள்ளார்.
இன்று நடந்த நிகழ்வொன்றில் வைத்தே அவர் இதனை தெரிவித்தார்.
அத்தோடு ஈரானிடம் பெற்றுக்கொண்ட கடனை மீள செலுத்த மலையகத் தேயிலை உதவினாலும் அந்த மக்களின் உழைப்புக்கான ஊழியம் இதுவரை கிடைக்கவில்லை என்றும் அவர் கவலை வெளியிட்டுள்ளார்.
1700 ரூபா சம்பளம் தருகிறோம் என்று மக்களை ஏமாற்றிய அரசாங்கமும் அமைச்சர்களும் வெட்கித் தலைகுனிய வேண்டும் என்றும் அவர் தெரிவித்துள்ளார்.
மலையகத்தை பிரதிநித்துவப்படுத்தி அரச பக்கத்தில் ஒரு அமைச்சர் மற்றும் நாடாளுமன்ற உறுப்பினர் இருந்தாலும் அவர்களால் எந்த பயனும் இல்லை என்றும் அவர் மேலும் தெரிவித்துள்ளார்.
