பலஸ்தீன ஜனாதிபதி மஹ்மூத் அப்பாஸ், தனது பொருளாதார ஆலோசகரான முகமது முஸ்தபாவை அந்நாட்டின் பிரதமராக நியமித்துள்ளார்.
இஸ்ரேல் ஆக்கிரமிப்பு மேற்கு கரையில் (West Bank) பலஸ்தீன அதிகாரிகத்திற்கு உட்பட்ட பகுதியில் புதிய அரசை உருவாக்குவதில் இவரது பங்கு முக்கியமானதாக இருக்கும்.
முகமது முஸ்தபா வாஷிங்டனில் உள்ள ஜார்ஜ் வாஷிங்டன் பல்கலைக்கழகத்தில் படித்தவர். பலஸ்தீன விடுதலை அமைப்பின் சுதந்திர செயற்குழு உறுப்பினராக பணியாற்றியுள்ளார்.
பொருளாதார விவகாரத்திற்கான துணை பிரதமராக பணியாற்றியுள்ளார். பலஸ்தீன முதலீடு நிதி குழுவில் பணியாற்றியுள்ளார். உலக வங்கியில் பல்வேறு பதவிகளில் பணியாற்றியவர்.
குவைத் அரசுக்கு ஆலோசகராகவும் இருந்துள்ளார். சவுதி அரேபியாவின் இறையாண்மை சொத்து நிதி, பொது முதலீட்டு நிதி ஆகியற்றின் ஆலோசகராகவும் இருந்துள்ளார். 2014-ம் ஆண்டு இஸ்ரேல் போர் தொடுத்த பிறகு, காஸாவின் மறுசீரமைப்பு பணியில் ஈடுபட்டவர்.
பலஸ்தீனத்தின் பிரதமராக இருந்த முகமது இப்ராஹிம் ஷ்டய்யே கடந்த மூன்று வாரங்களுக்கு முன்னதாக தனது பதவியை இராஜினாமா செய்தார்.
இஸ்ரேல் காஸா மீது தாக்குதல் நடத்தி வரும் நிலையில் மாற்றத்தின் அவசியத்தை வலியுறுத்தி இராஜினாமா செய்ததாக கூறப்படுகிறது.
