பாப் உலகில் பிரபல பாடகியாக இருந்து வருபவர் ஷகீரா (வயது 45). கொலம்பியன் பாடகரான இவர் பாடலாசிரியர், இசையமைப்பாளர் என பன்முகத் தன்மை கொண்டவர். Laundry Service என்கிற ஆல்பத்தின் மூலம் ரசிகர்கள் மனதில் இடம்பிடித்தவர்.
2010-ஆம் ஆண்டு உலக கிண்ண கால் பந்து போட்டியில் இவர் பாடிய ‘ஷமினா மினா ஓய்..ஓய்.. வக்கா..வக்கா’ பாடல் உலகம் முழுவதும் இவருக்கு பெரும் புகழை பெற்று தந்தது. கிராமி விருதுகள், இசை விருதுகள் என பல்வேறு விருதுகளை வாங்கி குவித்துள்ளார்.
இந்நிலையில், பாடகி ஷகீராவிற்கு அவரது சொந்த ஊரான கொலம்பியாவில் உள்ள பரன்குவிலரஸில் 21 அடி உயர சிலை வைக்கப்பட்டுள்ளது. இந்த சிலையை கலைஞர் யினோ மார்க்ஸ் வடிவமைத்துள்ளார். இந்த சிலை கடந்த 2005-ஆம் ஆண்டு வெளியான “Hips don’t lie” என்ற ஆல்பத்தில் ஷகீராவின் தனித்துவமான நடன அசைவில் வடிவமைக்கப்பட்டுள்ளது.
