அத்தியாவசிய பொருட்கள் சிலவற்றிற்கு விதிக்கப்பட்டிருந்த அதிகபட்ச சில்லறை விலை நீக்கப்பட்டு அதிவிசேட வர்த்தமானி அறிவித்தல் வெளியிடப்பட்டுள்ளது.
சீனி, பருப்பு, பாசிப்பயறு, நெத்தலி, உருளைக்கிழங்கு, பெரிய வெங்காயம், ரின் மீன், கடலை, கோதுமை மா, கருவாடு, தேங்காய், கோழி இறைச்சி, பால்மா மற்றும் சோளம் ஆகியவற்றின் அதிகபட்ச சில்லைறை விலைகளே இவ்வாறு நீக்கப்பட்டுள்ளன.
குறித்த வர்த்தமானி அறிவித்தலுக்கு அமைய, குறித்த அத்தியாவசிய பொருட்களுக்கு விதிக்கப்பட்டிருந்த அதிகபட்ச நிர்ணய விலை நேற்றிரவு முதல் நீக்கப்பட்டுள்ளது.
இதேவேளை, இறக்குமதி செய்யப்படும் ஒரு கிலோகிராம் அரிசிக்கான 65 ரூபா விசேட வர்த்தக வரி அடுத்த 6 மாதங்களுக்கு 25 சதமாக குறைக்கப்பட்டுள்ளது.
கடந்த 2 ஆம் திகதி முதல் அமுலுக்கு வரும் வகையில் இந்த வரிக்குறைப்பு மேற்கொள்ளப்பட்டுள்ளது.