2024 ஆம் ஆண்டு முதல் அரச துறைக்கு முறையான மதிப்பீட்டு நடைமுறை அறிமுகப்படுத்தப்படும் என நிதி இராஜாங்க அமைச்சர் ஷெஹான் சேமசிங்க தெரிவித்துள்ளார்.
தேசிய மதிப்பீட்டு வாரத்தின் ஆரம்ப நிகழ்வில் கலந்து கொண்ட இராஜாங்க அமைச்சர் இதனைத் தெரிவித்துள்ளார்.
பொது நிதி முகாமைத்துவத்தில் உள்ள பலவீனங்களைத் தவிர்ப்பதற்கான முக்கிய காரணி சரியான மதிப்பீட்டு செயல்முறையைப் பேணுவதாகும் என்று அமைச்சர் கூறினார்.
முறையான மதிப்பீட்டுச் செயற்பாடுகள் இன்றி அரசாங்கம் செயற்றிட்டங்களை ஆரம்பித்து வைப்பதை முடிவுக்குக் கொண்டு வரும் எனவும், நாட்டின் நிலையான அபிவிருத்திச் செயற்பாட்டிற்கு வெற்றிகரமான மதிப்பீட்டுச் செயற்பாடு அவசியமானது எனவும் அமைச்சர் சுட்டிக்காட்டினார்.
மதிப்பீட்டுச் செயல்முறையானது மக்களின் வரிப்பணத்தை வளர்ச்சிப் பணிகளுக்குப் பொறுப்பாகவும், வெளிப்படைத்தன்மையுடனும் பயன்படுத்தவும் வழிவகுக்கிறது.
நாட்டில் மதிப்பீட்டு செயல்முறையை ஊக்குவிக்கும் கலாச்சாரத்தை உருவாக்க வேண்டிய அவசியம் உள்ளது, இதன் மூலம் கொள்கை வகுப்பாளர்கள் நாட்டின் வளர்ச்சித் திட்டங்களுக்கு மதிப்பீடு என்ற கருத்தை எடுத்துச் செல்ல முடியும்.
உள்நாட்டில் மட்டுமன்றி, இலங்கைக்கு சர்வதேச அமைப்புகளின் ஆதரவைப் பெறுவதற்கும், உதவி வழங்குநர்கள் மற்றும் சர்வதேச அமைப்புகளுக்கு வளங்களைப் பயன்படுத்துவதற்கு நாடு தயாராக உள்ளது என்பதற்கான நல்ல சான்றைப் பெறுவதற்கும் நாட்டில் மதிப்பீட்டு செயல்முறை முக்கியமானது. இலங்கைக்கு தமது பங்களிப்பை வெளிப்படுத்தும் முன் அதிகபட்சம் அது சாத்தியம் என இராஜாங்க அமைச்சர் மேலும் குறிப்பிட்டார்.
