கெரவலப்பிட்டி யுகதனவி மின் உற்பத்தி நிலையத்தின் பங்குகளை அமெரிக்க நிறுவனமொன்றுக்கு வழங்குவதற்கு எடுக்கப்பட்டுள்ள தீர்மானம் தொடர்பில் ஆலோசிப்பதற்காக நேற்று (28) இரவு அலரிமாளிகையில் ஜனாதிபதி கோட்டாபய ராஜபக்ஷ தலைமையில் நடைபெற்ற அரசாங்கக் கட்சித் தலைவர்களின் கூட்டம் மிகவும் சூடுபிடித்ததாக அரசாங்கத் தகவல்கள் தெரிவிக்கின்றன. .
நேற்று மாலை சுமார் 5.30 மணியளவில் ஆரம்பமான பேச்சுவார்த்தை இரவு 10 மணிவரை நான்கரை மணித்தியாலங்கள் நீடித்த போதிலும் இறுதி உடன்பாடு எட்டப்படவில்லை என தகவல்கள் தெரிவிக்கின்றன.
ஸ்ரீலங்கா பொதுஜன பெரமுனவின் சார்பில் பிரதமர் மஹிந்த ராஜபக்ஷ, அமைச்சர்களான பசில் ராஜபக்ஷ, அமைச்சர்களான தினேஸ் குணவர்தன, பந்துல குணவர்தன, பிரசன்ன ரணதுங்க, கெஹலிய ரம்புக்வெல்ல, நாமல் ராஜபக்ஷ, பாராளுமன்ற உறுப்பினர் சாகர காரியவசம், அமைச்சர்களான விமல் வீரவன்ச, உதய கம்மன்பில மற்றும் வாசுதேவ நாணயக்கார வி.எம்.ஏ.எல். , டிரன் அலஸ், கெவிது குமாரதுங்க, அசங்க நவரத்ன மற்றும் வண. அத்துரலியே ரத்ன தேரரும் இந்த கலந்துரையாடலில் அரசாங்கத்தின் சார்பில் கலந்துகொண்டனர்
அத்துரலியே ரத்ன தேரர், விமல் வீரவன்ச, உதய கம்மன்பில, வாசுதேவ நாணயக்கார ஆகியோர் யுகடனவி மின் உற்பத்தி நிலையத்தின் பங்குகளை வழங்கும் தீர்மானம் குறித்து தொடர்ச்சியாக கேள்வி எழுப்பியதாகவும், அதற்கு நிதியமைச்சர் பசில் ராஜபக்ஷ பதிலளித்துள்ளதாகவும் தகவல்கள் தெரிவிக்கின்றன.
அரசாங்கத்திற்குள்ளேயே உள்ள பிரச்சினைகளை வெளியில் கொண்டு செல்ல வேண்டாம் என ஜனாதிபதி கோட்டாபய ராஜபக்ஷ கட்சிகளின் தலைவர்களிடம் கோரிக்கை விடுத்துள்ளதாக தெரிவிக்கப்படுகின்றது.
இதேவேளை யுகதனவி அனல்மின் நிலையத்தின் பங்குகளை மாற்றுவதற்கு எடுக்கப்பட்டுள்ள தீர்மானம் தொடர்பில் தமது கருத்துக்களையும் ஆலோசனைகளையும் எழுத்து மூலம் சமர்ப்பிக்குமாறு கூட்டுக் கட்சிகளின் தலைவர்களுக்கு நிதி அமைச்சர் பசில் ராஜபக்ஷ பணிப்புரை விடுத்துள்ளதாக தெரிவிக்கப்படுகின்றது.
இதேவேளை இன்று (29) பிற்பகல் நடைபெறவிருந்த “மக்கள் பேரவை” கூட்டத்தை நடத்துவதற்கு அரசாங்கத்தின் கூட்டணிக் கட்சிகள் தீர்மானித்துள்ளதாக தெரியவருகிறது.
