கொவிட் காலத்துக்குப் பிறகு, சீனாவில் வேலையின்மை வரலாறு காணாத அளவுக்கு உயர்ந்துள்ளதாக வெளிநாட்டு ஊடகங்கள் தெரிவிக்கின்றன.
சீனாவில் வேலைவாய்ப்பின்மை பெரும்பாலும் இளைஞர் சமுதாயத்தையே பாதித்துள்ளதாக அறிக்கைகள் காட்டுகின்றன.
சமீபத்திய அறிக்கைகளின்படி, சீனாவின் நகர்ப்புறங்களில் வசிக்கும் 16 முதல் 24 வயதுக்குட்பட்ட இளைஞர் சமூகத்தின் வேலையின்மை விகிதம் கடந்த மாதம் 23.1 சதவீதமாக உயர்ந்துள்ளது.
பிறப்பு விகிதம் மற்றும் மக்கள் தொகை குறைவினால் நெருக்கடியை சந்தித்து வரும் சீனாவிற்கு இளைஞர்களின் வேலையில்லா திண்டாட்டம் மற்றுமொரு பிரச்சினையாக மாறியுள்ளதாகவும் வெளிநாட்டு ஊடகங்கள் செய்தி வெளியிட்டுள்ளன.
இதற்குக் காரணம், சீனாவில் இளைஞர்கள் வேலைவாய்ப்புப் பிரச்சினையால் காதல் உறவுகளிலும், திருமணத்திலும் ஆர்வம் காட்டுவதில்லை.
சீனாவில் உள்ள இளைஞர்கள் கூட்டாளரைத் தேர்ந்தெடுக்கும்போது நகர்ப்புற சூழலில் சொத்து மற்றும் வீடு இருப்பதைக் கருத்தில் கொள்வதாகவும் தெரிவிக்கப்பட்டுள்ளது.
ஆனால் பொருளாதார நெருக்கடியுடன் ஒப்பிடும் போது, சீனாவின் நகர்ப்புறங்களில் வீடுகள் மற்றும் சொத்துகளின் விலைகள் உயர்ந்துள்ளதால், அவற்றை வாங்குவதிலும் சிக்கல் ஏற்பட்டுள்ளதாகத் தெரிவிக்கப்படுகிறது.