நாட்டில் மேலும் 18 பேர் கொவிட் தொற்றால் உயிரிழந்துள்ளனர்.
சுகாதார சேவைகள் பணிப்பாளர் நாயகத்தினால் நேற்று(23) இந்த மரணங்கள் உறுதிப்படுத்தப்பட்டுள்ளதாக அரசாங்க தகவல் திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளது.
இதற்கமைய நாட்டில் இதுவரையில் கொவிட் தொற்றால் உயிரிழந்தோரின் மொத்த எண்ணிக்கை 13,611 ஆக அதிகரித்துள்ளது.
10 ஆண்களினதும், 8 பெண்களினதும் மரணங்கள் இவ்வாறு பதிவாகியுள்ளன.
இவர்களுள், 30 வயதிற்குட்பட்ட பெண் ஒருவர் கொவிட்-19 தொற்றினால் உயிரிழந்துள்ளார்.
30 முதல் 59 வயதுக்கு இடைப்பட்ட 4 ஆண்களும் பெண் ஒருவருமாக 5 பேர் உயிரிழந்துள்ளனர்.
60 வயதிற்கு மேற்பட்ட 12 பேரின் மரணங்கள் பதிவாகியுள்ளன.
அவர்களில், 6 ஆண்களும், 6 பெண்களும் அடங்குவதாக அரசாங்க தகவல் திணைக்களம் விடுத்துள்ள அறிக்கையில் குறிப்பிடப்பட்டுள்ளது.
