நாட்டின் அனைத்து மாவட்டங்களிலும் உள்ள 18 முதல் 19 வயதுக்குட்பட்ட பாடசாலை மாணவர்களுக்கும் நாளை முதல் பைசர் தடுப்பூசி செலுத்தும் நடவடிக்கை ஆரம்பிக்கப்படவுள்ளது.
கொழும்பு மாவட்டத்தில் குறித்த வயதெல்லையை சேர்ந்தவர்களுக்கு வெற்றிகரமாக தடுப்பூசி செலுத்தப்பட்டு வருவதாக சிறுவர் விசேட வைத்திய நிபுணர்களின் சங்கத்தின் தலைவர் பேராசிரியர் ஷாமன் ரஜீந்திரஜித் தெரிவித்துள்ளார்.
கல்வி அமைச்சு, சுகாதார அமைச்சு மற்றும் தொற்று நோய் தடுப்பு பிரிவு ஆகியன இணைந்து இந்த நடவடிக்கைகளை முன்னெடுக்கின்றன.
தமது பிள்ளைகளுக்கு தடுப்பூசியை செலுத்த நடவடிக்கை எடுக்குமாறு பெற்றோர்களிடம் சுகாதார பிரிவினர் கோரிக்கை விடுக்கின்றனர்.
