தற்போது அறிவிக்கப்பட்டுள்ளபடி ஏப்ரல் முதல் வாரத்தில் இருந்து பால் மாவின் விலை குறைக்கப்படும் என பால் மா இறக்குமதியாளர்கள் சங்கம் தெரிவித்துள்ளது.
பழைய விலையின் கீழ் இறக்குமதி செய்யப்படும் பால் மாவின் கையிருப்பு தீர்ந்தவுடன் புதிய விலையின் கீழ் பால் மா சந்தைக்கு வெளியிடப்படும் என டெய்லி சிலோன் செய்திப் பிரிவுக்கு குறித்த சங்கத்தின் பேச்சாளர் ஒருவர் தெரிவித்தார்.
இறக்குமதி செய்யப்படும் பால் மாவின் விலையை 200 ரூபாவினாலும், 400 கிராம் இறக்குமதி செய்யப்பட்ட பால் மா பொதியின் விலையை 80 ரூபாவினாலும் குறைக்க பால் மா இறக்குமதியாளர்கள் தீர்மானித்துள்ளனர். இது உலக சந்தையில் தற்போதைய விலையை கணக்கில் எடுத்துக்கொள்கிறது.
டொலருக்கு நிகரான ரூபாவின் பெறுமதி வலுவடையும் பட்சத்தில் அடுத்த மாதம் முதல் வாரத்தில் பால் மாவின் விலை குறைக்கப்படும் போது அதன் நன்மை நுகர்வோருக்கும் வழங்கப்படும் என குறித்த பேச்சாளர் தெரிவித்தார்.
கடந்த காலத்தில் இறக்குமதி செய்யப்பட்ட பால் மாவின் விலை அதிகரிப்பு மற்றும் அந்நிய செலாவணி பிரச்சினைகள் காரணமாக தேவைக்கேற்ப இறக்குமதி செய்ய முடியாத காரணத்தினால் பால் மா விற்பனை 50 வீதத்தால் குறைந்துள்ளதாகவும் குறிப்பிடப்பட்டுள்ளது.
சராசரியாக மாதாந்தம் சுமார் 6,000 மெற்றிக் தொன் பால் மா இலங்கைக்கு இறக்குமதி செய்யப்பட்ட நிலையில், கடந்த சில மாதங்களில் அது 3,000 மெற்றிக் தொன்களாக குறைந்துள்ளது.
