லங்கா சதொச வெள்ளைப்பூண்டு மோசடியை வௌிப்படுத்திய நுகர்வோர் அதிகார சபையின் முன்னாள் நிறைவேற்று பணிப்பாளர் துஷான் குணவர்தனவிடம் குற்றப்புலனாய்வு பிரிவு வாக்குமூலம் பெற்றுள்ளது.
லங்கா சதொசவுக்கு உரித்தான கொள்கலன்கள் சட்டவிரோதமாக வௌியேற்றப்பட்ட சம்பவம் தொடர்பில் தனக்கு அரசியல் ரீதியாக அழுத்தங்கள் பிரயோகிப்பதால் தன்னால் சுயாதீனமாகக் கடமையாற்ற முடியாத நிலை ஏற்பட்டுள்ளதாகத் தெரிவித்து துஷான் குணவர்தன அண்மையில் நுகர்வோர் அதிகார சபையின் நிறைவேற்று பணிப்பாளர் பதவியிலிருந்து விலகி இருந்தார்.
இதேவேளை, துஷான் குணவர்தன முன்வைத்துள்ள குற்றச்சாட்டுகளுக்கு எதிராக விசாரணைகளை முன்னெடுக்குமாறு அமைச்சர் பந்துல குணவர்தன பொலிஸ் மா அதிபரிடம் முறைப்பாடு ஒன்றை முன்வைத்திருந்தமை குறிப்பிடத்தக்கது