யாழ்ப்பாணம் நீதிமன்றில் ஆஜராகுமாறு தமிழ்த் தேசியக் கூட்டமைப்பின் கிளிநொச்சி மாவட்ட நாடாளுமன்ற உறுப்பினர் எஸ். ஸ்ரீதரனுக்கு அனுப்பப்பட்ட ஆவணம் சிங்கள மொழியில் உள்ளதால் அதனை ஏற்றுக்கொள்ள முடியாது என பாராளுமன்ற உறுப்பினர் பொலிஸாரிடம் அறிவித்துள்ளார்.
எதிர்வரும் 20ஆம் திகதி யாழ்.நீதிமன்றத்தில் ஆஜராகுமாறு தெரிவிக்கும் ஆவணத்தை கையளிப்பதற்காக பொலிஸ் உத்தியோகத்தர்களை எம்.பி சந்தித்த போது, அந்த ஆவணம் சிங்களத்தில் இருப்பதால் தனக்கு சிங்களம் வாசிக்க முடியாது என பொலிஸாரிடம் தெரிவித்தார்.
பின்னர் அதனை மொழிபெயர்த்து எம்.பி.யிடம் பொலிஸ் அதிகாரிகள் கொடுத்தபோது, பொலிஸ் சம்மன், நீதிமன்ற உத்தரவை வழங்க முடியாது என்றும், தமிழில் பதிவுத் தபாலில் சம்மன் வந்தால் மட்டுமே சம்மன் ஏற்றுக்கொள்வதாகவும் பாராளுமன்ற உறுப்பினர் ஸ்ரீதரன் மேலும் தெரிவித்துள்ளார்.
