தனியார் மற்றும் இலங்கை போக்குவரத்து சபை பஸ் கட்டணங்கள் 35 சதவீதத்தால் அதிகரிப்படுவதாக அமைச்சர் திலும் அமுனுகம தெரிவித்துள்ளார்.
இன்று நள்ளிரவு முதல் இவ்வாறு கட்டணங்கள் அதிகரிக்கப்படுவதாக அவர் தெரிவித்துள்ளார்.
பஸ் கட்டண திருத்தத்தின் பிரகாரம் சாதாரண சேவை பஸின் குறைந்தபட்ச கட்டணம் 27 ரூபாவாகவும், அதிகபட்ச கட்டணம் 2,022 ரூபாவாகவும் அதிகரிக்கப்பட்டுள்ளது.
மேலும், புதிய கட்டண திருத்தத்தின் படி, அரை சொகுசு பஸ்களின் குறைந்தபட்ச கட்டணம் 33 ரூபாவாகவும், அதிகபட்ச கட்டணம் 2,528 ரூபாவாகவும் அதிகரிக்கப்பட்டுள்ளது.
புதிய பஸ் கட்டண திருத்தத்தின்படி சொகுசு பேருந்துகளின் குறைந்தபட்ச கட்டணம் 40 ரூபாவாகவும், அதிகபட்ச கட்டணம் 3370 ரூபாவாகவும் அதிகரிக்கப்பட்டுள்ளது.