பேருந்து முறைகேடுகளை வீடியோ எடுத்து அனுப்ப , தேசிய போக்குவரத்து ஆணைக்குழு (NTC) 071-2595555 என்ற புதிய தொலைபேசி இலக்கத்தை அறிமுகப்படுத்தியுள்ளது.
வட்ஸ்அப், வைபர் மற்றும் எமோ வலையமைப்புகள் ஊடாக குறித்த இலக்கத்திற்கு காணொளிகளை அனுப்ப முடியும் எனவும், சட்டவிரோத செயற்பாடு தொடர்பான விசாரணைகளில் குறித்த காணொளிகள் ஆதாரமாக பயன்படுத்தப்படும் எனவும் தேசிய போக்குவரத்து ஆணைக்குழுவின் பணிப்பாளர் நாயகம் கலாநிதி திலன் மிராண்டா தெரிவித்தார்.
தேசிய போக்குவரத்து ஆணைக்குழுவின் 1955 என்ற அவசர தொலைபேசி இலக்கத்திற்கு தொடர்ச்சியாக தொடர்பு கொள்ள முடியும் எனவும் பயணிகளுக்கு மேலும் பாதுகாப்பை வழங்கும் வகையில் இந்த புதிய இலக்கம் அறிமுகப்படுத்தப்பட்டுள்ளதாக கலாநிதி திலான் மிராண்டா மேலும் தெரிவித்தார்.
