கொழும்பிலிருந்து பதுளை வரை இடம்பெறும் மலையக ரயில் சேவை இன்று முதல் எல்ல ரயில் நிலையம் வரை மட்டுப்படுத்தப்படவுள்ளதாகத் ரயில்வே திணைக்களம் தெரிவித்துள்ளது.
இதற்கமைய எதிர்வரும் 15ஆம் திகதி வரை, காலை 7.30 முதல் பிற்பகல் 5.30 வரை இந்த நடைமுறை பின்பற்றப்படும் என அறிவிக்கப்பட்டுள்ளது.
மலையக ரயில் மார்க்கத்தில் எல்ல மற்றும் தெமோதரை ரயில் நிலையங்களுக்கு இடையே அமைந்துள்ள 9 வளைவு பாலத்தில் இலங்கை – இந்தியக் கூட்டு முயற்சியில் முன்னெடுக்கப்படும் திரைப்பட ஒளிப்பதிவு நடவடிக்கைகளுக்காக இந்தத் தீர்மானம் மேற்கொள்ளப்பட்டுள்ளது.
சுற்றுலாப் பயணிகளின் வருகையை அதிகரிக்கும் நோக்கில் போக்குவரத்து அமைச்சின் அனுமதியுடன் இந்த நடவடிக்கை மேற்கொள்ளப்படவுள்ளதாகத் ரயில்வே திணைக்களம் தெரிவித்துள்ளது.
