எதிர்வரும் நவம்பர் மாதம் 10ஆம் திகதி அமெரிக்காவின் கலிபோர்னியாவில் நடைபெறவுள்ள உலகக் கிண்ண கெரம் போட்டியில் இலங்கை வீரர்கள் பங்கேற்பது நிச்சயமற்றதாகியுள்ளது.
அதில் பங்கேற்கவிருக்கும் 8 வீராங்கனைகளில் 6 பேரின் விசா நிராகரிக்கப்பட்டதே அதற்குக் காரணம்.
கடந்த 2018ஆம் ஆண்டு நடைபெற்ற கேரம் உலக சம்பியன்ஷிப் போட்டியில் இலங்கை ஆண்கள் கெரம் அணி சம்பியனாகவும், பெண்கள் அணி இரண்டாம் இடத்தையும் பிடித்தது.
இது தொடர்பான பிரச்சினை காரணமாக இலங்கை கெரம் அணி மிகவும் சிரமத்திற்கு உள்ளாகியுள்ளதாகவும், குறைந்த பட்சம் இதுவரை விளையாட்டு அமைச்சு தலையிடவில்லை எனவும் தெரிவிக்கப்படுகிறது.
