மத்திய அமெரிக்க குடியேற்றவாசிகள் என்று சந்தேகிக்கப்படும் நபர்களுடன் பயணித்த ட்ரக் வாகனமொன்று தெற்கு மெக்சிகோவில் அமைந்துள்ள நெடுஞ்சாலையில் வியாழனன்று கவிழ்ந்து விபத்துக்குள்ளாகியுள்ளது.
விபத்தின் முதற்கட்ட மதிப்பீட்டில் 49 பேர் உயிரிழந்துள்ளதாகவும், 58 பேர் காயமடைந்துள்ளதாகவும், அவர்களில் 21 பேர் பலத்த காயங்களுக்கு உள்ளாகியுள்ளதாகவும் சியாபஸ் மாநில சிவில் பாதுகாப்பு அலுவலகத்தின் தலைவர் லூயிஸ் மானுவல் மோரேனோ தெரிவித்துள்ளார்.
மேலும் பாதிக்கப்பட்டவர்கள் மத்திய அமெரிக்காவில் இருந்து குடியேறியவர்கள் எனத் தோன்றினாலும், அவர்களது தேசிய இனம் இன்னும் உறுதிப்படுத்தப்படவில்லை. தப்பிப்பிழைத்தவர்களில் சிலர் தாங்கள் அண்டை நாடான குவாத்தமாலாவைச் சேர்ந்தவர்கள் என்று கூறியதாக மோரேனோ தெரிவித்தார்.
