ரிஷாத் பதியுதீன் தலைமையிலான அகில இலங்கை மக்கள் காங்கிரஸ் இவ்வருட ஜனாதிபதி தேர்தலில் யாருக்கு ஆதரவு வழங்குவது என்பதை எதிர்வரும் 14ஆம் திகதி அறிவிக்கும் என அந்த காங்கிரஸின் தேசிய அமைப்பாளரான முன்னாள் பாராளுமன்ற உறுப்பினர் மொஹமட் அப்துல்லா மஹ்ருப் தெரிவித்தார்.
கட்சியின் தலைவர் ரிஷாத் பதியுதீன் தலைமையில் எதிர்வரும் 14ஆம் திகதி பிற்பகல் கொழும்பில் உள்ள கட்சித் தலைமையகத்தில் கூடும் அதியுயர் சபையுடன் கலந்தாலோசித்து இந்தத் தீர்மானம் அறிவிக்கப்படும் என தேசிய அமைப்பாளர் சுட்டிக்காட்டினார்.
இந்த நாட்களில் மாவட்ட அளவில் நடைபெறும் கட்சி மாவட்ட கூட்டங்களிலும் கட்சி உறுப்பினர்களின் கருத்துகளை கேட்டறிந்து வருகிறோம் என்றார்.
