எதிர்வரும் ஜனாதிபதித் தேர்தலில் ரணில் விக்கிரமசிங்கவுக்கு ஆதரவளிக்க வேண்டும் என முன்னாள் ஜனாதிபதி மஹிந்த ராஜபக்ஷ சில வாரங்களுக்கு முன்னர் தன்னிடம் தெரிவித்ததாக அமைச்சர் பிரசன்ன ரணதுங்க குறிப்பிடுகின்றார்.
கட்சி மாறுபட்ட தீர்மானத்தை எடுத்தால், தாம் சுயாதீனமாக தீர்மானம் எடுப்பேன் எனவும் மஹிந்த ராஜபக்ஷ குறிப்பிட்டதாக அவர் கூறினார்.
சமல் ராஜபக்ஷவும் இதே கருத்தில் இருப்பதாக அமைச்சர் கூறுகிறார்.
கட்சி தனி அடி எடுத்து வைத்தால் அதை சமாளிக்க மாற்று வேலை திட்டம் ஏற்கனவே தயார் செய்யப்பட்டுள்ளது எனவும் தெரிவித்திருந்தார்.
கம்பஹா பிரதேசத்தில் ஊடகங்களுக்கு கருத்து தெரிவிக்கும் போதே அவர் மேற்கண்டவாறு தெரிவித்திருந்தார்.
