எதிர்வரும் ஜனாதிபதித் தேர்தலில் ஸ்ரீலங்கா முஸ்லிம் காங்கிரஸின் ஆதரவை ஐக்கிய மக்கள் சக்தி கட்சி பெறும் எனத் தெரிவிக்கப்படுகிறது.
அதற்குக் காரணம், அந்தக் கட்சி ஏற்கனவே ஐக்கிய மக்கள் சக்தியுடன் இணைந்து செயல்படுகிறது.
எனினும், தமது கட்சி ஆதரிக்கும் ஜனாதிபதி வேட்பாளர் யார் என்பது தொடர்பில் கட்சியின் உயர்பீடம் கூடி கலந்துரையாடி இறுதித் தீர்மானம் எடுக்கப்படும் என ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கீம் “அத தெரண”விற்கு தெரிவித்துள்ளார்.
எதிர்வரும் ஜனாதிபதி தேர்தலில் தமது ஆதரவு சஜித் பிரேமதாசவுக்கு வழங்கவுள்ளதாக முஸ்லிம் காங்கிரஸ் திருகோணமலை மாவட்ட பாராளுமன்ற உறுப்பினர் தௌபீக் தெரிவித்திருந்தமையும் குறிப்பிடத்தக்கது.
இந்நிலையில், நாடாளுமன்ற உறுப்பினர் ரிஷாத் பதியுதீன் தலைமையிலான அகில இலங்கை மக்கள் காங்கிரஸ் தமது ஆதரவு தொடர்பிலும் மௌனமாகவே இருந்து வருகிறது.
கடந்த 27ம் திகதி இடம்பெற்ற அகில இலங்கை மக்கள் காங்கிரஸின் புத்தள மாவட்ட எழுச்சி மாநாட்டில் கூட புத்தள அரசியல் குறித்தே கட்சியின் தலைமை பேசியிருந்தமையும் குறிப்பிடத்தக்கது.
