”2022 மற்றும் 2023 ஆம் ஆண்டுகளில், தாவரவியல் பூங்காவைப் பார்வையிட வந்த உள்நாட்டு சுற்றுலாப் பயணிகளின் எண்ணிக்கை முறையே 1,773,048 – 1,925,129 வரையிலான எண்ணிக்கையாக பதிவானதாக தேசிய தாவரவியல் பூங்காத் திணைக்களத்தின் பிரதிப் பணிப்பாளர் (திட்டமிடல்) எச்.ஜி ஜயசேகர தெரிவித்துள்ளார்.
மேலும் அவர்களில் வெளிநாட்டு சுற்றுலாப் பயணிகளின் எண்ணிக்கை முறையே 103,322 – 227,729 வரையில் காணப்பட்டதாக தெரிவித்துள்ளார். .
ஜூன் 2024 வரை தாவரவியல் பூங்காவைப் பார்வையிட வந்த உள்நாட்டு சுற்றுலாப் பயணிகளின் எண்ணிக்கை 965,468 ஆகவும், வெளிநாட்டு சுற்றுலாப் பயணிகளின் எண்ணிக்கை 183,674 ஆகவும் பதிவாகியுள்ளது. கடந்த ஆண்டு ஜூன் மாதம் வரையிலான வெளிநாட்டு சுற்றுலா பயணிகளின் வருகையுடன் ஒப்பிடுகையில் இது 96% அதிகரிப்பாகும்.
இதன்படி, 2022ஆம் ஆண்டு வருமானம் 420.02 மில்லியன் ரூபாவாகவும், 2023ஆம் ஆண்டு வருமானம் 901.1 மில்லியன் ரூபாவாகவும் இருந்தது. 2024 ஜூன் வரையில் 735.56 மில்லியன் ரூபாய் வருமானம் பதிவானது.” என்று தெரிவித்தார்.
