ஐக்கிய மக்கள் சக்தியின் செயற்குழு கூட்டம் இன்று (15) நடைபெறவுள்ளதாக பரவிய செய்தி பொய்யானது என ஐக்கிய மக்கள் சக்தியின் கொழும்பு மாவட்ட தவிசாளர் எஸ்.எம். மரிக்கார் கூறுகிறார்.
ஐக்கிய மக்கள் சக்தியின் நாடாளுமன்ற உறுப்பினர் பீல்ட் மார்ஷல் சரத் பொன்சேகாவை கட்சியில் வகித்து வந்த பதவிகளில் இருந்து நீக்குவது குறித்து ஆராய்வதற்காக ஐக்கிய மக்கள் சக்தியின் செயற்குழு கூட்டம் இன்று நடைபெறவுள்ளதாக வெளியான செய்தி தொடர்பில் நாம் வினவிய போதே அவர் மேற்கண்டவாறு தெரிவித்தார்.
எவ்வாறாயினும், ஐக்கிய மக்கள் சக்தியின் பீல்ட் மார்ஷல் சரத் பொன்சேகாவுக்கு எதிரான கட்சியின் உறுப்புரிமை, களனி அமைப்பாளர் பதவி மற்றும் ஒழுக்காற்று நடவடிக்கை ஆகியவற்றுக்கு கொழும்பு மாவட்ட நீதிமன்றம் தடை உத்தரவு பிறப்பித்துள்ளது.
