அமெரிக்க பல்கலைக்கழகங்களில் பட்டம் பெறும் மாணவர்களுக்கு கிரீன் கார்டு வழங்கப்பட வேண்டும் என்று குடியரசுக் கட்சியின் ஜனாதிபதி வேட்பாளர் டொனால்ட் டிரம்ப் தெரிவித்துள்ளார்.
அமெரிக்க ஜனாதிபதி தேர்தல் தொடர்பான இணையத்தள கலந்துரையாடல் ஒன்றில் கலந்து கொண்டு அவர் இந்த கருத்துக்களை வெளியிட்டுள்ளார்.
எவ்வாறாயினும், டிரம்பின் இந்த அறிக்கை அவரது கடுமையான குடியேற்ற நிலைப்பாட்டிற்கு முரணான ஒரு முன்மொழிவு என்று விமர்சகர்கள் கூறுகின்றனர்.
Silicon Valley தொழில்நுட்ப முதலீட்டாளர்களால் நடத்தப்படும் இந்த All-In podcast போது, உயர் திறமையான தொழிலாளர்கள் இல்லாதது தொழில்நுட்பத் துறைக்கு ஒரு பெரிய பிரச்சினையாக மாறியுள்ளது.
எனவே, திறமையானவர்களை சட்டரீதியாக அமெரிக்கா தக்க வைத்துக் கொள்ள வேண்டும் என முதலீட்டாளர்கள் தெரிவித்துள்ளனர்.
அதற்கு பதிலளிக்கும் வகையிலேயே ஜனாதிபதி வேட்பாளர் டொனால்ட் ட்ரம்ப் இவ்வாறு தெரிவித்துள்ளார்.
அமெரிக்க பல்கலைக்கழகத்தில் பட்டம் பெற்றவர்கள், ஜூனியர் கல்லூரிகள் உட்பட நாட்டில் தங்குவதற்கு டிப்ளமோவின் ஒரு பகுதியாக தானாகவே கிரீன் கார்டைப் பெற வேண்டும் என்று டிரம்ப் கூறியுள்ளார்.
நிரந்தரக் குடியுரிமை அட்டை என்றும் அறியப்படும் யு.எஸ். கிரீன் கார்டு, தனிநபர்களுக்கு அமெரிக்காவில் நிரந்தரமாக வாழவும் வேலை செய்யவும் உரிமை அளிக்கிறது மேலும் இது அமெரிக்க குடியுரிமைக்கான முதல் படியாகும்.
