உள்ளூராட்சி நிறுவனங்களின் தற்காலிக ஊழியர்கள் அனைவரும் கடந்த வெள்ளிக்கிழமை முதல் நிரந்தர ஊழியர்களாக நியமிக்கப்பட்டுள்ளதாக பிரதமர் தினேஷ் குணவர்தன தெரிவித்துள்ளார்.

குருநாகல் மாவட்ட செயலகத்தில் நடைபெற்ற முட்டை சேமிப்பு இயந்திரங்களை விநியோகிக்கும் நிகழ்வில் கலந்து கொண்டு உரையாற்றும் போதே பிரதமர் மேற்கண்டவாறு தெரிவித்தார்.

அங்கு மேலும் கருத்து தெரிவித்த பிரதமர்,

“கடுமையான நெருக்கடிக்குப் பிறகு நமது நாட்டின் பொருளாதாரம் மெதுவாக மீண்டு வருகிறது. இருப்பினும், எங்களிடம் இன்னும் பல கடுமையான சவால்கள் உள்ளன. இதற்கிடையில், குறைந்த வருமானம் பெறுபவர்களின் பொருளாதாரம் வலுவாக இருக்க வேண்டும். சத்தான உணவை அனைவரும் அனுபவிக்க வேண்டும். மேலும், குறைந்த வருமானம் பெறுபவர்களின் பொருளாதாரம் படிப்படியாக கட்டியெழுப்பப்பட வேண்டும்.

இத்தனை சிரமங்களுக்கு மத்தியிலும் அரச ஊழியர்களுக்கு வழங்கக்கூடிய கொடுப்பனவுகள் அதிகரிக்கப்பட்டுள்ளன. இது எதிர்வரும் பட்ஜெட்டில் அரசு ஊழியர்கள் மற்றும் பல்வேறு துறைகளில் பணியாற்றும் ஊழியர்களின் நம்பிக்கையை மேலும் அதிகரிக்கும். மேலும், அனைத்து உள்ளூராட்சி அமைப்புகளின் தற்காலிக ஊழியர்களும் கடந்த வெள்ளிக்கிழமை முதல் நிரந்தர பணியாளர்களாக நியமிக்கப்பட்டுள்ளனர்..”