ஸ்ரீலங்கா பொதுஜன பெரமுன நாடாளுமன்றக் குழுக் கூட்டம் இன்று (20) காலை பத்தரமுல்ல நெலும் மாவத்தையில் உள்ள கட்சி அலுவலகத்தில் அதன் தேசிய அமைப்பாளர் பசில் ராஜபக்ஷ தலைமையில் நடைபெறவுள்ளது.
எதிர்கால ஜனாதிபதி வேட்பாளர் தொடர்பில் இங்கு கலந்துரையாடப்படவுள்ளதாக அக்கட்சியின் உள்ளக வட்டாரங்கள் தெரிவிக்கின்றன.
குறித்த கலந்துரையாடலில் வேட்பாளர் தொடர்பில் தீர்மானங்கள் எடுக்கப்பட்டாலும் ஜனாதிபதித் தேர்தல் அறிவிக்கப்பட்ட பின்னரே ஜனாதிபதி வேட்பாளர் உத்தியோகபூர்வ நியமனம் மேற்கொள்ளப்படும் எனவும் தெரிவிக்கப்படுகிறது.
தற்போதைய ஜனாதிபதி ரணில் விக்கிரமசிங்க, பிரதமர் தினேஷ் குணவர்தன மற்றும் வர்த்தகர் தம்மிக பெரேரா ஆகியோர் அடங்கிய குழுவொன்றை முன்மொழிய ஒரு குழுவினர் தயாராகி வருவதாக கூறப்படுகிறது.
