இலங்கை – பங்களாதேஷ் மூன்றாவது மற்றும் கடைசி ஒரு நாள் கிரிக்கெட் போட்டியில் மற்றுமொரு பலம் வாய்ந்த வீரரை இழந்துள்ளதாக வெளிநாட்டு ஊடகங்கள் தெரிவிக்கின்றன.
பங்களாதேஷ் வேகப்பந்து வீச்சாளர் தன்சிம் ஹசன் காயம் காரணமாக கடைசி போட்டியில் விளையாட மாட்டார் என அறிவிக்கப்பட்டுள்ளது.
இன்று இடம்பெற்ற பயிற்சியின் போது அவருக்கு காலில் காயம் ஏற்பட்டுள்ளதாக உள்ளூர் கிரிக்கட் வட்டாரங்களை மேற்கோள்காட்டி வெளிநாட்டு ஊடகங்கள் செய்தி வெளியிட்டுள்ளன.
அதன்படி, நாளைய போட்டியில் விளையாடும் அளவுக்கு அவருக்கு உடல் தகுதி இல்லை என மருத்துவர்கள் தெரிவித்துள்ளனர்.
காயம் காரணமாக இலங்கை அணியின் வேகப்பந்து வீச்சாளர் தில்ஷான் மதுஷங்க நாளைய மூன்றாவது ஒருநாள் போட்டியில் விளையாடமாட்டார் என இலங்கை கிரிக்கெட் சங்கம் இன்று காலை அறிவித்தது.
3 போட்டிகள் கொண்ட இலங்கை – பங்களாதேஷ் ஒருநாள் தொடர் தற்போது 1-1 என சமநிலையில் உள்ள நிலையில் நாளை இறுதி போட்டி நடைபெற உள்ளது.
