2014 ஆம் ஆண்டு ‘இளைஞர்களுக்கான நாளை’ அறக்கட்டளையால் ஏற்பாடு செய்யப்பட்ட ஹம்பாந்தோட்டை பொசன் பிராந்தியத்திற்கு இலங்கை மின்சார சபையில் இலிருந்து பெறப்பட்ட 2 ஜெனரேட்டர்களுக்கு செலுத்தப்படவுள்ள 1,112,889.14 ரூபாய் இதுவரையில் வழங்கப்படவில்லை என இலங்கை மின்சார சபையின் ஐக்கிய தொழிற்சங்கக் கூட்டமைப்பின் ஒருங்கிணைப்பாளர் ரஞ்சன் ஜயலால் தெரிவித்துள்ளார்.
ஹம்பாந்தோட்டை மாவட்ட நாடாளுமன்ற உறுப்பினர் நாமல் ராஜபக்ஷவின் ஏற்பாட்டில் இந்நிகழ்வு இடம்பெற்றதாக தெரிவிக்கப்படுகிறது.
பொசன் வளையத்திற்கு வழங்கப்பட்ட இரண்டு ஜெனரேட்டர்கள் தொடர்பாக WAS/PP/TCN/01 மற்றும் 2014-05-29 திகதியிடப்பட்ட ரூபா 1,522,889.14 பெறுமதியான திட்டத்திற்கு குறித்த அமைப்பினால் 400,000 ரூபாவை முன்பணமாக இலங்கை மின்சார சபைக்கு செலுத்தியுள்ளது.
மீதமுள்ள நிலுவைத் தொகையான ரூ. 1,112,889.14 ஐ செலுத்துமாறு இலங்கை மின்சார சபை 25-03-2019 அன்று கடிதம் மூலம் அறிவித்திருந்தது.
பொசன் பிராந்தியத்திற்கு 380KVA இன் 2 ஜெனரேட்டர்கள், 350KVA இன் 1 ஜெனரேட்டர், 300KA இன் 2 ஜெனரேட்டர்கள் மற்றும் 250KVA இன் 2 ஜெனரேட்டர்கள் இலங்கை மின்சார சபையினால் வாடகை அடிப்படையில் வழங்கப்பட்டுள்ளன.
மேலும் 31-05-2018 அன்று குறித்த அறக்கட்டளை பணம் செலுத்தாதது தொடர்பாக ஆணையத்தின் சட்ட அதிகாரி இடைக்கால நோட்டீஸ் அனுப்பியுள்ளதாக தெரியவந்துள்ளது.
உரிய தொகையை 14 நாட்களுக்குள் செலுத்தாவிட்டால் வழக்கு தொடரப்படும் என சட்ட அதிகாரி தெரிவித்துள்ளார்.
எவ்வாறாயினும், நாமல் ராஜபக்ஷவின் அமைப்பினால் உரிய தொகை இதுவரை செலுத்தப்படவில்லை என ரஞ்சன் ஜயலால் சுட்டிக்காட்டியுள்ளார்.
