பிரதமரின் ஊடகப் பிரிவின் கவனக்குறைவாக ஒக்டோபர் 27, 2023 திகதியிடப்பட்ட செய்திக்குறிப்பில், ஜனாதிபதி ரணில் விக்கிரமசிங்கவை ஜனாதிபதி தமிழ் விக்கிரமசிங்க ((President Tamil Wickremesinghe)) என்று தவறாக எழுதப்பட்டிருந்தது.
கடந்த 27ஆம் திகதி ஜனாதிபதி ரணில் விக்கிரமசிங்க மற்றும் பிரதமர் தினேஷ் குணவர்தன தலைமையில் ரீட் மாவத்தை றோயல் கல்லூரியில் நடைபெற்ற நூற்றாண்டு விழா தொடர்பான செய்தியில் பிரதம மந்திரி அலுவலக இணையத்தளத்தில் ஜனாதிபதியின் பெயர் தவறாக பிரசுரிக்கப்பட்டது.
அமைச்சர்களான சுசில் பிரேமஜந்த, ரஞ்சித் சியம்பலாபிட்டிய, நாடாளுமன்ற உறுப்பினர்களான லக்ஷ்மன் கிரியெல்ல, கயந்த கருணாதிலக, எம்.ஏ.சுமந்திரன், ரவூப் ஹக்கீம், எரான் விக்கிரமரத்ன, ஹர்ஷ டி சில்வா, சி.பி.விக்னேஸ்வரன், யதாமினி குணவர்தன, அதிபர் கவிதா ஜயவர்தன மற்றும் முன்னாள் மாணவர்கள் மற்றும் ஆசிரியைகள் இந்நிகழ்வில் கலந்துகொண்டனர்.
எவ்வாறாயினும், ஊடகவியலாளர் ஒருவர் ஜனாதிபதியின் பணிமனையின் பிரதானி சாகல ரத்நாயக்கவிற்கு தெரிவித்ததையடுத்து, பிழை திருத்தப்பட்டது, இருப்பினும், எதிர்காலத்தில் வெளியிடும் விடயங்களில் அரச ஊடகங்கள் அதிக பொறுப்புடன் இருக்க வேண்டும்.
