நேற்று (20) நள்ளிரவு முதல் பாண் உள்ளிட்ட பேக்கரி பொருட்களின் விலைகளை 10 ரூபாவினால் குறைக்க தீர்மானிக்கப்பட்ட போதிலும், சில பேக்கரிகள், உணவகங்களில் விலைகள் குறைக்கப்படவில்லை என நுகர்வோர் தெரிவிக்கின்றனர்.
எனினும், நாட்டின் சில பகுதிகளில் உள்ள பேக்கரிகளில் இன்று முதல் குறைந்த விலையில் பொருட்களை விற்பனை செய்திருந்தனர்.
விலை குறைக்கப்பட்ட பாண் உள்ளிட்ட பேக்கரி பொருட்களின் விலைகளை கடையில் காட்சிப்படுத்துவது கட்டாயமாக்கப்பட்டுள்ளதாக நுகர்வோர் விவகார அதிகார சபை தெரிவித்துள்ளது.
அவ்வாறு செய்யாத விற்பனை நிலையங்களுக்கு எதிராக இன்று முதல் சட்ட நடவடிக்கை எடுக்க எதிர்பார்க்கப்படுவதாக அதன் தலைவர் சட்டத்தரணி சாந்த நிரியல்ல மேலும் தெரிவித்துள்ளார்.
