இருபதுக்கு 20 உலகக்கிண்ண கிரிக்கெட் தொடரின் முதல் சுற்றில் இலங்கை அணி இன்று தமது மூன்றாவது போட்டியில் விளையாடவுள்ளது.
இரண்டு போட்டிகளில் விளையாடி இரண்டிலும் வெற்றிபெற்ற இலங்கை அணி தற்போது குழு ஏ இற்கான புள்ளிப்பட்டியலில் முன்னிலையில் உள்ளது.
ஏற்கனவே, இலங்கை அணி சுப்பர் 12 சுற்றுக்குத் தகுதி பெற்றுள்ள நிலையில், இன்றைய தினம் நெதர்லாந்து அணியைச் சந்திக்கிறது.
இதேவேளை, இன்று முதலாவதாக இடம்பெறவுள்ள தொடரின் 11ஆவது போட்டியில், அயர்லாந்து மற்றும் நமீபியா ஆகிய அணிகள் மோதுகின்றன.இந்தப் போட்டி, சார்ஜாவில் பிற்பகல் 3.30 அளவில் ஆரம்பமாகவுள்ளது.
இதேநேரம், தொடரின் 12ஆவது போட்டி, இலங்கை மற்றும் நெதர்லாந்து அணிகளுக்கு இடையே இடம்பெறவுள்ளது. இந்தப் போட்டி, இன்றிரவு 7.30க்கு சார்ஜாவில் ஆரம்பமாகவுள்ளது.