பொதுநலவாயப் பாராளுமன்றச் சங்கத்தின் செயற்குழுக் கூட்டதின் இறுதி அமர்வில் பொதுநலவாயப் பாராளுமன்றச் சங்க ஆசிய பிராந்தியத்தின் பிரதிநிதியாக இலங்கை பாராளுமன்ற கௌரவ சபாநாயகர் மஹிந்த யாப்பா அபேவர்தன அவர்கள் கடந்த 30 ஆம் திகதி பங்கேற்றார். இதன்போது பாராளுமன்றத்தின் செயலாளர் நாயகம் தம்மிக்க தஸாநாயக்க அவர்களும் உடனிருந்தார்.
மெய்நிகர் முறையில் மூன்று நாட்கள் தொடர்ந்து இடம்பெற்ற பொதுநலவாயப் பாராளுமன்றச் சங்கத்தின் செயற்குழுக் கூட்டம் கடந்த செப்டம்பர் 28 ஆம் திகதி ஆரம்பமானது. செயற்குழுவில் சங்கத்தின் அதிகாரிகள் மற்றும் பொதுநலவாயத்தின் 9 பிராந்தியங்களான ஆபிரிக்கா, ஆசியா, அவுஸ்திரேலியா, பிரித்தானிய தீவுகள் மற்றும் மத்திய தரைக்கடல், கனடா, கரீபியன், அமெரிக்கா மற்றும் அட்லாண்டிக், இந்தியா, பசிபிக் மற்றும் தென்கிழக்கு ஆசியா ஆகிய பிராந்தியங்களின் பிரதிநிதிகள் அடங்குவர்.
