தென்மேற்கு வங்காள விரிகுடா கடற்பகுதியில் நிலைகொண்டுள்ள காற்றழுத்த தாழ்வு நிலை கிழக்கு கடற்பரப்பில் இருந்து நாட்டினுள் நுழைந்து இலங்கையை கடப்பதாக வளிமண்டலவியல் திணைக்களம் தெரிவித்துள்ளது.
இதன் காரணமாக மறு அறிவிப்பு வரும் வரை காலியிலிருந்து கொழும்பு, புத்தளம், மன்னார், காங்கேசன்துறை, திருகோணமலை, மட்டக்களப்பு, பொத்துவில், தென்மேற்கு வங்கக் கடல் வரையான ஆழ்கடல் மற்றும் ஆழமற்ற கடற்பரப்புகளில் மீனவர்கள் மற்றும் கடல்சார் சமூகங்கள் பயணிக்க வேண்டாம் என வளிமண்டலவியல் திணைக்களம் அறிவித்துள்ளது.
வளிமண்டலவியல் திணைக்களத்தினால் வெளியிடப்படும் எதிர்வரும் அறிவிப்புகள் தொடர்பில் மீனவ மற்றும் கடல்சார் சமூகத்தினர் கவனம் செலுத்துமாறு கேட்டுக் கொள்ளப்படுவதாக அவர்கள் மேலும் தெரிவிக்கின்றனர்.
