பல தீர்க்க முடியாத காரணங்களால் 13 புதிய அமைச்சுப் பதவிகள் நியமனம் தாமதமாகி வருவதாக டெய்லி சிலோன் செய்திப் பிரிவுக்கு அறியக் கிடைத்தது.
பொதுஜன முன்னணியினால் முன்மொழியப்பட்ட சிலருக்கு அமைச்சர் பதவிகளை வழங்குவதற்கு ஜனாதிபதி முன்வராததும் இதற்கு ஒரு காரணமாகும், மற்றைய காரணம் பொதுஜன முன்னணியில் இணைந்து கொள்ளவுள்ள ராஜித சேனாரத்னவை முன்னிறுத்துவதற்கு பொதுஜன முன்னணி உறுப்பினர்கள் தயக்கம் காட்டுவதும் ஆகும்.
வரவு செலவுத் திட்டம் 43 மேலதிக வாக்குகளால் நிறைவேற்றப்பட்டமையால் எதிர்வரும் காலங்களில் தீர்க்கமான முறையில் பாராளுமன்றத்தின் ஆதரவு ஜனாதிபதிக்கு தேவையில்லை என்பதும் அமைச்சுப் பதவி அவசர விடயம் அல்ல என ஜனாதிபதி அலுவலகத் தகவல்கள் தெரிவிக்கின்றன.
பொதுஜன முன்னணியின் செயலாளர் சாகர காரியவசத்திடம் டெய்லி சிலோன் செய்திப் பிரிவின் வினவலில், தமது கட்சிக்கு அமைச்சுப் பதவி வழங்குமாறு ஜனாதிபதியிடம் கோரிக்கை விடுத்ததாகவும், அதற்கு இதுவரை நல்ல பதில் கிடைக்கவில்லை எனவும் தெரிவித்தார்.
