பமுனுகம உஸ்வெட்டகெய்யாவ பிரதேசத்தில் கடலலையில் கால் நனைத்தபடி நடந்து சென்ற யுவதி ஒருவர் அலையில் இழுத்துச் செல்லப்பட்டு கடலில் மூழ்கி உயிரிழந்துள்ளார்.
குறித்த பிரதேசத்தில் உள்ள உணவகம் ஒன்றில் இடம்பெற்ற நிகழ்வொன்றில் கலந்துகொள்ள ஏனைய நபர்களுடன் வந்திருந்த அவர், பின்புறமாக உள்ள கடற்கரையில் உலாவச் சென்று கொண்டிருந்த போதே இச்சம்பவம் நடந்துள்ளதாக பொலிஸார் தெரிவித்துள்ளனர்.
உயிரிழந்தவர் கடவத்த பியன்வில பகுதியைச் சேர்ந்த 30 வயதுடைய யுவதி என தெரிவிக்கப்படுகிறது.
மரணம் தொடர்பான மேலதிக விசாரணைகளை பமுனுகம பொலிஸார் மேற்கொண்டு வருகின்றமை குறிப்பிடத்தக்கது.
