மேல், சப்ரகமுவ மாகாணங்களிலும், கண்டி, நுவரெலியா, காலி மற்றும் மாத்தறை மாவட்டங்களின் சில பகுதிகளிலும் இன்று இடியுடன் கூடிய மழைபெய்யக்கூடும் என வளிமண்டலவியல் திணைக்களம் எதிர்வுகூறியுள்ளது.
வடமேல் மாகாணத்திலும் மழையுடனான வானிலை நிலவும் என அந்த திணைக்களம் குறிப்பிட்டுள்ளது.
அதேநேரம், புத்தளம் முதல் காங்கேஸன்துறை ஊடாக திருகோணமலை வரை மற்றும் ஹம்பாந்தோட்டை முதல் பொத்துவில் வரையான கரை யோரத்திற்கு அப்பால் உள்ள கடற்பகுதிகளில் மணித்தியாலத்திற்கு 55 கிலோமீற்றர் வேகத்தில் பலத்த காற்று வீசக்கூடும்.
எனவே அந்த பகுதிகளில் கடற்றொழிலில் ஈடுபடுவோர் மிகுந்த அவதானத்துடன் செயற்படுமாறு வளிமண்டலவியல் திணைக்களம் அறிவுறுத்தியுள்ளது.
