ஐக்கிய மக்கள் சக்தியின் பாராளுமன்ற குழு கூட்டம் இன்று நடைபெறவுள்ளது.
இந்த கலந்துரையாடல் இன்று பிற்பகல் 2.00 மணிக்கு இடம்பெறவுள்ளதாக ஐக்கிய மக்கள் சக்தியின் பாராளுமன்ற உறுப்பினர் திஸ்ஸ அத்தநாயக்க தெரிவித்துள்ளார்.
அரசாங்கத்திற்கு எதிரான போராட்டங்கள், அரசாங்கத்திற்கு எதிரான நம்பிக்கையில்லாப் பிரேரணை மற்றும் பதவி நீக்கம், நிறைவேற்று அதிகாரம் கொண்ட ஜனாதிபதி முறைமையை நீக்குதல் போன்றவற்றுக்கு முகங்கொடுக்கும் வகையில் பாராளுமன்றத்தில் அரசியலமைப்புச் செயற்பாடுகள் தொடர்பில் கவனம் செலுத்தப்படவுள்ளது.
ஐக்கிய மக்கள் சக்தியினால் கொண்டுவரப்பட்ட நம்பிக்கையில்லாப் பிரேரணை சபாநாயகரிடம் கையளிக்கப்படும் திகதி தொடர்பில் இன்றைய பாராளுமன்ற உறுப்பினர்கள் குழு விசேட கவனம் செலுத்தவுள்ளதாக திரு.திஸ்ஸ அத்தநாயக்க மேலும் தெரிவித்துள்ளார்.
