ரயில் ஆசன முன்பதிவுக் கட்டண அதிகரிப்பு உடன் அமுலாகும் வகையில் இடைநிறுத்தப்பட்டுள்ளதாக போக்குவரத்து அமைச்சர் திலும் அமுனுகம தெரிவித்துள்ளார்.
சில நகரங்களுக்கிடையிலான ரயில் கட்டணத்தில் திருத்தம் மேற்கொள்ளப்படக் கூடும் எனினும், கட்டணத் திருத்தம் தொடர்பில் இணக்கப்பாடு இன்னும் எட்டப்படவில்லை என அமைச்சர் தெரிவித்தார்.
ரயில் கட்டண அதிகரிப்புக்கு இதுவரை இணக்கம் தெரிவிக்காத நிலையில் குறித்த கட்டண அதிகரிப்பு ஊடகங்களுக்கு வெளியிடப்பட்டுள்ளதாகவும் அமைச்சர் அமுனுகம தெரிவித்துள்ளார்.
இந்நிலையில், புதிய ரயில் கட்டணங்கள் தொடர்பில் இன்று இரவு இடம்பெறவுள்ள கலந்துரையாடலை தொடர்ந்து எதிர்வரும் திங்கட்கிழமை முதல் ரயில் கட்டணத்தில் சில திருத்தங்கள் மேற்கொள்ளப்படலாமென அமைச்சர் மேலும் தெரிவித்துள்ளார்.
