ஓமான் நாட்டின் வர்த்தக மற்றும் கைத்தொழில் சம்மேளனத்தின் தலைவருக்கும் வர்த்தக அமைச்சர் பந்துல குணவர்தனவுக்கும் இடையில் சந்திப்பொன்று இடம்பெற்றுள்ளது.
இலங்கைக்கும் ஓமான் நாட்டுக்குமிடையிலான வர்த்தக உறவை மேம்படுத்தும் வகையில் இலங்கையின் தேசிய உற்பத்திகளுக்கு ஓமான் நாட்டு சந்தையின் முன்னுரிமை வழங்குமாறு வர்த்தகத்துறை அமைச்சர் பந்துல குணவர்தன ஓமான் தூதுகுழுவினரிடம் கோரிக்கை விடுத்தார்.
இலங்கைக்கும் ஓமானுக்கும் இடையிலான வர்த்தக உறவினை பலப்படுத்துவது அவசியமாகும். எனவும் இலங்கையின் தேசிய உற்பத்திகளுக்கு ஓமான் நாட்டு சந்தையில் முன்னுரிமை வழங்குமாறு அமைச்சர் இதன்போது தூதுகுழுவினரிடம் கோரிக்கை விடுத்தார்.
இலங்கையின் தேசிய உற்பத்திகளை ஓமான் முழுவதும் சந்தைப்படுத்த வேண்டுமாயின் ஓமான் நாட்டில் இலங்கையின் தேசிய உற்பத்திகளை இவ்வருட காலப்பகுதிக்குள் முழுமையாக காட்சிப்படுத்த வேண்டும் என ஓமான் நாட்டின் வணிகம் மற்றும் கைத்தொழில் சபையின் தலைவர் ரேடா ஜூமா அல்-சலி குறிப்பிட்டார்.
இரு நாடுகளுக்குமையிடையிலான வர்த்தக உறவை விரிவுப்படுத்தும் வகையில் நடைமுறையில் உள்ள வர்த்தக ஒப்பந்தங்களை திருத்தியமைக்க இதன்போது தீர்மானிக்கப்பட்டது.
