ரயில் நிலைய அதிபர்களின் பதவி விலகல் காரணமாக இன்று நான்கு எண்ணெய் ரயில்கள் பயணங்கள் இரத்து செய்யப்பட்டுள்ளதாகவும் இதனால் ரயில் திணைக்களத்திற்கு பாரிய நிதி இழப்பு ஏற்பட்டுள்ளதாகவும் ரயில்வே திணைக்களம் தெரிவித்துள்ளது.
கொழும்பில் இருந்து மட்டக்களப்பு, அநுராதபுரம், பேராதனை மற்றும் காலிக்கு இயக்கப்படவிருந்த நான்கு எண்ணெய் ரயில்கள் இரத்து செய்யப்பட்டுள்ளதாகவும், இலங்கையின் எரிபொருள் விநியோகத்தில் 30 முதல் 40 வீதமானவை கொண்டு செல்லப்படுவதாகவும் அவர் கூறினார்.
சீதுவையில் இருந்து திருகோணமலை நோக்கிச் செல்லும் சரக்கு ரயில் மற்றும் கொள்கலன் சரக்கு ரயில்களும் பணிப்புறக்கணிப்பு காரணமாக ரத்து செய்யப்பட்டுள்ளதாக அவர் கூறினார்.
