ஒரு கோழிக் குஞ்சு போன்று முட்டையில் இருந்து வெளிவருதற்கு தயாரான நிலையில் இருந்த டைனோசர் முட்டை ஒன்றை கண்டுபிடித்துள்ளதாக விஞ்ஞானிகள் அறிவித்துள்ளனர்.
தென் சீனாவின் கான்சு நகரிலேயே இந்த முட்டை கண்டுபிடிக்கப்பட்டிருப்பதோடு இது குறைந்தது 66 மில்லியன் ஆண்டுகள் பழமையானது என்று கணிக்கப்பட்டுள்ளது.
இந்த முட்டை கரு பல்லில்லாத தொரோபாட் டைனோசர் அல்லது ஓவிராப்டோரோசர் டைனோசரினுடையது என்று நம்பப்படுகிறது. இந்த முட்டைக் கருவுக்கு பேபி யிங்லியாங் என்று பெயரிடப்பட்டுள்ளது.
டைனோசர்களுக்கும், நவீன கால பறவைகளுக்கும் இடையிலான தொடர்பு குறித்த புரிதலை ஆராய்ச்சியாளர்களுக்கு இந்த கண்டுபிடிப்பு வழங்குகிறது.
கண்டுபிடிக்கப்பட்ட டைனோசர் முட்டைக் கரு புதை படிமத்தில், இந்தக் கரு, கை கால்களுக்கு கீழ் தலையை வைத்து சுருட்டிக்கொண்டுள்ளது. குஞ்சு பொறிப்பதற்கு முன் இப்படி நடக்கும் என்பது குறிப்பிடத்தக்கது.
