இலங்கையில் சிறுவர்கள் துஷ்பிரயோகத்திற்கு உள்ளாக்கப்பவது தொடர்பான 32 சம்பவங்கள் தினமும் பதிவாகுவதாக ஊடகத்துறை அமைச்சர் டளஸ் அழகப்பெரும தெரிவித்துள்ளார்.
மேலும் இந்த வருடத்தில் மாத்திரம் சிறுவர்கள் துஷ்பிரயோகத்திற்கு உள்ளாக்கப்பட்டமை தொடர்பில் 10 ஆயிரத்து 713 முறைப்பாடுகள் தேசிய சிறுவர் பாதுகாப்பு அதிகார சபைக்கு கிடைத்துள்ளது என அவர் தெரிவித்துள்ளார்
தேசிய சிறுவர் பாதுகாப்பு அதிகார சபைக்கு கிடைத்துள்ள இந்த முறைப்பாடுகளில் ஆயிரத்து 632 முறைப்பாடுகள் 5 வயதுக்கும் குறைவான வயதுடைய சிறார்கள் துஷ்பிரயோகத்திற்கு உள்ளாக்கப்பட்டமை தொடர்பான சம்பவங்கள் பற்றியது.
2 ஆயிரத்து 626 முறைப்பாடுகள் 6 முதல் 10 வயதுக்குட்பட்ட சிறார்கள் துஷ்பிரயோகத்திற்கு உள்ளாக்கப்பட்டமை தொடர்பானவை. முறைப்பாடுகளுடன் ஒப்பிடும் போது, முறைப்பாடுகள் கிடைக்காமல் நடக்கும் இது போன்ற சம்பவங்கள் பல மடங்காக இருக்கலாம்.
ஊடகங்களுக்கும் சிறுவர்களும் இடையிலான உறவுகள், ஆசிரியருக்கும் மாணவர்களுக்கும் இடையிலான உறவு போன்று இருக்க வேண்டும். எனினும் தற்போது அது பூச்சாண்டிக்கும் பிள்ளைகளுக்குமான உறவு போன்ற நிலைமைக்கு சென்றுள்ளது எனவும் ஊடகத்துறை அமைச்சர் டளஸ் அழகப்பெரும குறிப்பிட்டுள்ளார்
