இந்தியாவின் டெல்லியில் காற்றின் தரமானது தொடர்ந்தும் மோசமான நிலையிலேயே உள்ளதாகத் தெரிவிக்கப்பட்டுள்ளது.
இன்று(21) காலை நிலவரப்படி, டெல்லியின் காற்று தரக் குறியீடு 376ஆக, பதிவாகியிருந்ததாக இந்தியத் தகவல்கள் குறிப்பிடுகின்றன.
டெல்லியிலிருந்து புறப்படும் சில விமானங்கள் புறப்படுவதில் தாமதம் ஏற்பட்டுள்ளதாகத் தெரிவிக்கப்பட்டுள்ளது.
அத்துடன், சுவாசக்கோளாறு உள்ளவர்கள், நோயாளர்கள் மற்றும் சிறுவர்களைக் காற்றின் தரம் குறித்து அவதானத்துடன் செயற்படுமாறு அந்த நாட்டு அதிகாரிகள் அறிவுறுத்தியுள்ளனர்.
